الفواااااله

السلام عليكم..

يتميز مجتمع دولة الامارات بعادات تكريم الضيف
والمتتبع لتاريخ الدولة من زمان لول
بيلاحظ ان بيوت الشواب كانت مفتوحه للمقيمين والجيران لكل زائر ولاجئ للدولة حتى للغريب وعابر السبيل
فكانوا يكرمونهم بوسايل مختلفه
ومن تلك الطرق تقديم الفواله ...
الفوالة مصطلح اماراتي

عبارة
عن الطعام الي يتقدم للخطـّار " الضيوف "

مكونه من

اكلات تراثية
+
صحن خضره "فواكه مشكلة"
+
اقهوه و جاهي

في ناس تضيف اشياء ثانيه
وتفنن في الأطباق الموضوعه كلن بعاداته

تترأس المادة
ذبيحه عربيه نحن نسويها ثريد او فريدو هو عباره عن خبز رقاق و صالونه..
و الهريس و القيمات و الخمير




وبعد نقدر نحط
بلاليط وعرسيه وعصيد وقرووص وخبيص
والحلوى العمانيه

اليوم
اصبحت الفوالة كوجبة اساسية يومية
يعني بدل ما يكون عدنا ثلاث وجبات
الصبح والظهر والعشى
الحين الفواله تتسوى كل يوم
في فترة ما عقب صلاة العصر لين المغرب
خص اذ كانت ميالس العرب دوم مفتوحه
والاغلب الحين ان العرب تنصب خيام برع البيت
وتكون ملتقى لتيمع شواب الفريج و شبابها..